Mewlüda Nebi Heta Dawiya Jiyane wi; ü

Bêguman Xuda û ferişteyên xwe li pêxember dilovanî dikin-pesnê wî didin; gelî yên bawerî anîne! hûn jî bi dilovanî li serê bixwînin û baş lê silava bikin. (Ahzâb: ayet 56) 1.Destpêk Dest pê dikim bi navê Xudayê mihrîvan Xwedyê bêruh û temamê xweyê ruhan. Hemd û pesnê xweşik û şîrîn ji can Em didin bo te Xwudayê ins û can. Tu birêjî ser nebiyê şehsuwar Hem selat û tev selamê bêjimar. Tu bibî razî ji me ya Reb eman. Ehl û yar û hogirê wî her deman. Em dixwazin çend kelam pêşkêş bikin Da kelamê xwe'b Muhemmed xweş bikin. Behsa jiyana Muhemmed em bikin. Da nezan wextê bixwînin fêm bikin. Da jiyana rêberê xwe em bizan Em herin pê re û rêça wî biran. Ger bixwazin emrê Xweda pêk bînin. Ser Muhemmed hûn selatan pir bînin