Elik û Fatik

Daşinasnayiş: Ya hêvêr îfadê Serkarwûn gena. Serkarwûn ra persena, vûna: -De vac, ti qey ûnîyay o fotoxraf ra û tu ax ûnt? Serkarwûn ci ri meselay (serameyê) xwi û cînîyek vûnû. Ya ti ra persena, vûna: -Ti qet çim xirab ra ûnîyay a cînîyek ra. Serkarwûn vûnû: -Nîye, ez sey yew niwêş ûnîyaya ti ra. Ya ûna çores heb altun dûna Serkarwûn û vûna: -Şue key xwi kar û gurê xwi bikir, ti a cînî hin nivînên. Dor yena Erêb. Ya Erêb ra persena, vûna: -De vac ti qey ûnîyay o fotoxraf ra û tu zerrê xwi ûnt. Ereb zi ci ri meselay xwi vûnû. Ya ûna çores altun zi dûna Erêb û vûna: -Ti zi şue kar û gurê xwi bikir, ti aya cînî hin nivînên. Filît têna mûnenû. Wi tersenû, xwi zere di vûnû: -Mîr ez verdaya pênî, bêlka sarê mi piryedû. Wi yew şew misafirxûnê Mîr di mûnenû. Şewa bîn dor yena Filît. Ya Filît ra zi persena, vûna: -De vac ti qey ûnîyay o fotoxraf ra û tu zerê xwi ûnt. Filît zi ci ri meselay xwi qisê kenû û ti ra vûnû: -A cînîya ki Serkarwûn û Erêb qalê yay kerd a cînîyê min a. Ya vûna: -Ti yay vîn ti sinasnên? Wi vûnû: -Ez sinasnena, lêw yay, fêk yay mêndîyen ey tu. Ya cadi tac xwi ser ra erzena. Ya û Filît varard şinî yewbîn ra. Cînîyek û Filît mirad xwi bên şa. Karwûncî û Ereb zi têpîya gêrên a şinî key xwi. Mi ra zur, Hûmay ra raşt Mi yew taway helaw viraşt Mi gueştarûn ra kerd raşt.